کامیابی کو برقرار رکھنا- Business Ideas for Beginners
یہ دنیا کاز اینڈ افیکٹ کے اصول پر چل رہی ہے جس طرح کامیابی کے اسباب ہوتےہیں اسی طرح ناکامی کے بھی اسباب ہوتے ہیں۔ کچھ لوگ اچانک آتے ہیں اور چھا جاتےہیں لیکن کچھ ہی عرصہ بعد اسی طرح اچانک غائب ہو جاتےہیں ان کی کا میابی بلبلے کی طرح ہوتی ہے۔کامیاب ہونا آسان ہے لیکن کامیابی کو برقرار رکھنا مشکل ہے۔ کامیابی کے ملنے میں قسمت ہو سکتی ہے ، محنت ہو سکتی ہے ، کسی کی کوشش ہو سکتی ہے لیکن اس کامیابی کے بعد اس کو برقرار رکھنے میں ذاتی کردار ہوتا ہے جو کہ مشکل کام ہے۔ پہاڑ پر سب چڑھنا چاہتےہیں لیکن پہاڑ پر جو ہوائیں چلتی ہیں ان کا سامنا کوئی کوئی کرتا ہے ۔ انگلینڈ میں ان لوگو ں پر تحقیق کئی گئی جن کی لاٹری نکلتی ہے پتا چلا کہ کچھ سالوں بعد نوئے فیصد سے زائد لوگ پھر اسی حالت میں ہوتے ہیں ،لاٹری نکلنے کے بعد ملین ڈالرز کا ملنا اپنی جگہ لیکن ان ملین ڈالرز کو سنبھالنا اہم ہوتاہے ۔ کوئی بھی شخص کسی قسم کی گاڑی لے سکتا ہے لیکن اصل بات یہ ہوتی ہے کہ گاڑی چلانی آتی ہے کہ نہیں ، بعض لوگ گاڑی تو لے لیتے ہیں لیکن صحیح طریقے سے چلا نہ پانے کی وجہ سے نقصان کر بیٹھتے ہیں پھر یہی نقصان ان کے لیے ڈیپری...
